我們都在聽這些......女歌手唱歌。
喺上兩個 post，我哋為大家分別公佈咗本地歌曲奪冠總次數、以及本地歌曲喺 5 榜奪冠嘅數據，但講到我曲歌我心，又點只冠軍歌可以表達我哋經歷過嘅感受？其實，有好多成日上榜嘅歌曲，雖然未能成為冠軍，仍然默默地為我哋哼出心情。
今次我哋幫大家整合咗香港現有嘅 5 個本地歌曲排行榜（日榜），包括《HK SoundBite 香港聲勢榜》、《Spotify》、《Apple Music》、《KKBOX》以及《MOOV》，統計由 2023 年 1 月 1 號至 2023 年 6 月 30 號合共 181 日嘅本地歌曲上榜總數據，以上榜歌曲一窺大家嘅內心世界。
喺過去嘅 181 日，總共有 69 首本地女歌手歌曲喺五榜上榜合共 3,950 次，首 10 位最多上榜次數嘅歌曲如下：
第 1 位：
陳泳伽《一手造成》408 次 / 3,950 次
分手的結局，是我一手造成的：
「我怪我責備太多，句句說教如何相愛。挽不回，到我醒覺，你已避開。」
第 2 位：
陳蕾《窮人的薔薇》379 次 / 3,950 次
絕望之處，必有繁花綻放：
「若戰火不間斷仇恨種下，恐懼、貪婪、內心一黑，千鈞一髮 —— 窮人的薔薇，一剎那，瞬間光影都變化。」
第 3 位：
鄭秀文《愛是… 2.0 (feat. 好青年荼毒室)》189 次 / 3,950 次
愛是⋯⋯
「如果你問愛情其實係點，羅蘭巴特話係迎來他者嘅一場冒險。黑夜中行船搵到啲咩當然不可預視，但永遠唔出海人生又係咪有意思？唔試又點會知？」
第 4 位：
陳蕾《伸縮自如的愛》167 次 / 3,950 次
懂得自愛，便可以出神入化地駕馭愛情：
「怎麼你不會自愛，甘心去當個奴才，不懂變改，只會終生任情主宰。」
第 5 位：
陳蕾《凡星》163 次 / 3,950 次
地上的凡星終可成為天上的繁星：
「誰都可發光，只要找對地方。誰人都可發光，讓我熱情依然未降。成敗與否看我是怎麼看，從來沒標準答案，不要活埋在世俗眼光，重拾自信讓我做我的主角。」
第 6 位：
方皓玫《It's not your fault》159 次 / 3,950 次
在亂世之中，聽一首成人兒歌，好好呵護自己：
「It’s not your fault 別說你一出生，世界腐敗，是你給它光，懇請你，放下你誤解。」
第 7 位：
江海迦《MIZU》157 次 / 3,950 次
懂得自愛，才能去愛，記得好好欣賞那個在努力生活獨一無二的自己：
「抹上眼眉，戴上鑽石，駁上線路，不需要手槍。秀髮散著，眼線漂亮，發個訊號，爭取你獎賞。」
第 8 位：
鄭欣宜《仍會等》146 次 / 3,950 次
為了心裡的那個人、那件事、那個夢，仍會等：
「何時我會有我天空，遙遙望著浩瀚星空。千億個覓愛人，緣份未發現，仍會等。」
第 9 位：
鄭欣宜《女神》126 次 / 3,950 次
女神就是 no compromise！
「不要低頭，光環會掉下來。你是女神，不要為俗眼收斂色彩。」
第 10 位：
炎明熹《今生今世》125 次 / 3,950 次
今生今世，寧願名利拋開，瀟灑跟你飛：
「風裡笑著風裡唱，感激天意碰著你，縱是苦澀都變得美。天也老，任海也老，惟望此愛愛未老，願意今生約定他生再擁抱。」
而喺過去嘅 181 日，總共有 42 位本地女歌手喺五榜上榜合共 3,950 次，首 10 位最多上榜次數嘅女歌手如下：
第 1 位：陳蕾（721 次 / 3,950 次）
第 2 位：鄭欣宜（563 次 / 3,950 次）
第 3 位：陳泳伽（408 次 / 3,950 次）
第 4 位：鄭秀文（289 次 / 3,950 次）
第 5 位：方皓玫（283 次 / 3,950 次）
第 6 位：炎明熹（251 次 / 3,950 次）
第 7 位：江海迦（215 次 / 3,950 次）
第 8 位：陳詠桐（162 次 / 3,950 次）
第 9 位：李幸倪（151 次 / 3,950 次）
第 10 位：陳慧琳（142 次 / 3,950 次）
人生在世，悲歡離合，我哋經歷嘅時刻又點止咁少。以下兩個總表就分別列出曾經喺 5 榜上榜嘅本地女歌手，以及佢哋嘅上榜歌曲，希望大家搵到屬於自己嘅主題曲同埋屬意嘅歌手啦！
更多相關文章：
《一手造成》
還有，這些人和歌。
睇完頒獎禮你一定 feel 到欣宜陳蕾有上榜，咁你又 tell 唔 tell 到仲有邊啲女歌手上榜？