還有，這些人和歌。
我曲歌我心。如果聽歌可以聽出心情，冠軍歌大概最能夠表達我哋經歷過嘅感受。
喺上一個 post，我哋為大家公佈咗本地歌曲奪冠總次數嘅數據，特別 highlight 咗首 5 位最多奪冠次數嘅歌曲，但好歌點只得呢幾首，又，區區幾首歌點唱盡我哋嘅七情六慾呢？
所以，今次我哋幫大家整合咗香港現有嘅 5 個本地歌曲排行榜（日榜），包括《HK SoundBite 香港聲勢榜》、《Spotify》、《Apple Music》、《KKBOX》以及《MOOV》，統計由 2023 年 1 月 1 號至 2023 年 6 月 30 號合共 181 日，呢 5 個榜單各自嘅本地冠軍歌曲總數據，繼續以冠軍歌一窺大家嘅內心世界。
喺過去嘅 181 日，總共有 23 首本地歌曲分別喺 5 榜奪冠，當中每一個榜單最能夠捕足小眾人兒心情嘅冠軍歌曲如下 （下方高能：㩒圖有歌聽！)：
HK SoundBite：林家謙《萬一你是個好人》
渴望愛又怕被傷害的掙扎：
「跟人保持距離，或是最好的距離。和你漸變熟變好友，我怕但我想，萬一你是個好人。」
Spotify：盧瀚霆《MONEY》
金錢不是萬能，無錢？一樣可以活得自豪快樂又優雅：
「價值觀哲學：人自信達至足金，無窮奇蹟可發生。」
Apple Music：湯令山《國際孤獨等級》
十級孤獨，仍不怕寂寞：
「不怕寂寞，流連 K 房就過。」
KKBOX：柳應廷《JM單身狗》
做乜單身狗？我喜，就是最大理由！
「誰又明白單身因我揀，還胡亂評論單身狗最慘。」
MOOV：陳泳伽《一手造成》
分手的結局，是我一手造成的：
「我怪我責備太多，句句說教如何相愛。挽不回，到我醒覺，你已避開。」
人生在世，悲歡離合，我哋經歷嘅時刻又點止咁少。以下總表就列出合共 23 首曾經喺 5 榜奪冠嘅本地歌曲，當中除咗列明每一首歌喺各個榜單嘅奪冠次數之外，仲寫咗每一首歌為我哋唱出嘅思想感受，如泣如詩如歌如痴，希望大家搵到屬於自己嘅主題曲啦！
本地歌曲於 5 榜奪冠次數(日榜)
更多相關文章：
你 tell 唔 tell 到，邊位係長跑型歌手？邊位係 Breakout Star？邊位係以多取勝？......
《追》
追加 post！