The Diva of Weekly Music Chart！
The Diva of Weekly Music Chart！
我哋統計咗今年第一季喺《HK SoundBite 香港聲勢榜》上榜嘅週榜歌曲總數據，對比香港主流播放媒體現有嘅 11 個本地歌曲排行榜（週榜），包括 Spotify, YouTube, Apple Music, KKBOX, MOOV, JOOX, 香港電台, 商業電台, 新城電台, ViuTV 以及無線電視各自公佈嘅週榜數據，話俾大家知邊個係 The Diva of Weekly Music Chart！
【整體香港女歌手歌曲上榜總次數】
由 2023 年 1 月 1 號計起，截至 2023 年 4 月 2 號，總共 13 週，香港女歌手歌曲喺 HK SoundBite 上榜嘅總次數係 69 次。
其餘 11 個週榜嘅香港女歌手歌曲上榜次數如下：
串流平台
YouTube: 22 次
Spotify: 4 次
KKBOX: 26 次
Apple Music: 83 次
MOOV: 219 次
JOOX: 282 次
電台
商業電台: 79 次
香港電台: 91 次
新城電台: 80 次
電視
ViuTV: 49 次
無線電視: 58 次
就好似上一個統計男歌手上榜次數嘅 post 咁，望住咁參差嘅女歌手歌曲上榜次數，大家都可能好好奇又有咩嘢值得睇？今次如果我哋睇返女歌手們各自喺串流平台、電台以及電視嘅上榜表現，就可以做到 To See The Unseen！
【綜合榜單：以排名分數加權法綜合 11 個週榜】
《HK SoundBite 香港聲勢榜》參照外國 Billboard, iChart 同埋 Oricon 具權威性嘅綜合歌曲排行榜做法，匯集 11 個聽歌平台嘅歌曲週榜，先根據各個歌曲榜單上嘅歌曲排名俾個分數，再就住榜單嘅媒體類型、媒體市場佔有率以及榜單排名計算方式總共三方面進行加權，以綜合估算歌曲喺各個播放媒體嘅播放廣度，反映出歌曲嘅整體流行程度。
我哋計算咗所有打入《HK SoundBite 香港聲勢榜》嘅女歌手上榜總次數，成績大概同日榜相同， COLLAR 同陳蕾仍然穩坐三甲位置，而炎明熹以及鄭欣宜就以相同上榜次數並列其中。
COLLAR：11 次 / 69 次
陳蕾：11 次 / 69 次
炎明熹：8 次 / 69 次
鄭欣宜：8 次 / 69 次
數據係一樣好有趣嘅東西，喺一堆密密麻麻嘅數字入面，我哋習慣好直覺式咁搵吓有 D 咩，但係更加重要嘅往往係冇咗 D 咩。
好似上一個 post 咁，數一數邊 D 男歌手有喺串流平台、電台同埋電視上榜，我哋就不難發現呢 3 類媒體各自呈現出 3 個截然不同嘅音樂世界，呢個就係好直接嘅 To see the seen。
今次嚟到女歌手嘅 post，我哋 HK SoundBite 決定帶大家 To See The Unseen！我哋揀選咗喺《HK SoundBite - 香港聲勢榜週榜》上榜次數最多嘅首 10 位女歌手，然後睇吓每一位喺串流平台、電台同埋電視嘅上榜表現，一齊睇吓邊度有上榜，更加重要嘅係⋯⋯邊度冇上榜。
【To See The Unseen：串流平台、電台及電視各有表現】
睇返首 10 位女歌手嘅相關數據，我哋見到 COLLAR、鄭欣宜、李幸倪以及鄭秀文喺所有媒體，包括串流平台、電台同埋電視都有所表現。
當中 COLLAR 喺串流平台表現尤其出色，打入全部串流平台嘅週榜，其中 Spotify 喺第一季只有 COLLAR 以及另一位女歌手成功上榜。
而鄭欣宜、李幸倪，連同啱啱提到嘅 COLLAR 就喺電台出彩，全部打入 3 大電台，上榜次數亦明顯比大部份女歌手多。
值得一提嘅係，李幸倪更加係少數同時登上兩個電視台榜單嘅歌手。點解會話係「少數」？因為喺呢 4 位女歌手入面，有 3 位都喺其中一個電視台 being unseen，所以佢先 being seen as「少數」，而且隨住我哋嚟緊呢幾日會出嘅 post，呢個「少數」將會變得更加明顯。
【To See The Unseen：打入串流平台，電台有所缺席】
睇返首 10 位女歌手嘅相關數據，我哋見到陳蕾、炎明熹、陳泳伽以及邱彥筒都成功打入串流平台，但係喺電台，甚至連同電視都有所缺席。
不得不提，呢 4 位女歌手都喺串流平台表現不俗。喺 6 個平台入面，每一位都最少打入 4 個，仲要不乏現時串流平台嘅 3 個大戶，包括 YouTube, Spotify 以及 Apple Music。當中，陳泳伽更加係 Spotify 週榜上榜次數最多嘅香港女歌手。
雖然呢 4 位女歌手喺串流平台叫座，但係佢哋都多少失落傳統嘅大氣電波。喺 3 個電台入面，陳蕾、炎明熹以及邱彥筒均未能登上其中 2 個電台嘅週榜，而陳泳伽就喺電台同電視都 being unseen。
【To See The Unseen：主打電台及電視，較少上榜串流平台】
睇返首 10 位女歌手嘅相關數據，我哋見到黃妍、王灝兒係屬於主打電台及電視嘅女歌手，相比之下就較少上榜串流平台。
喺串流平台方面，呢 2 位女歌手同時成功登上 MOOV 同埋 JOOX 嘅週榜，可惜甚少打入現時串流平台嘅 3 個大戶，包括 YouTube, Spotify 以及 Apple Music。
不過，佢哋喺電台同埋電視嘅表現特別出眾。王灝兒喺 3 個電台嘅週榜都有歌上榜；黃妍係第二位「少數」同時登上兩個電視台榜單嘅歌手，而且佢喺兩台嘅上榜次數更加係女歌手之最。
【To See The Unseen：電台表現出色，電視未見上榜】
最後，嚟到女子組合 Lolly Talk 啦！
睇返我哋嘅數據，Lolly Talk 出道時間尚短，雖然未能打入 3 大串流平台，但佢哋喺 MOOV 同埋 JOOX 都表現不俗。
另外，喺傳統大氣電波入面，佢哋亦都成功登上 3 個電台週榜，上榜次數更加係不亞於大部份女歌手；但係偏偏喺 2 個電視台都 being unseen，呢一點值得留意。
#hksoundbite #香港聲勢榜 #第一個綜合歌曲排行榜 #計算方式 #排名分數加權法 #呢期邊首歌最hit #埋嚟hksoundbite話你知 #letstakeasoundbite #咬一口音樂 #billboard #ichart #oricon #spotify #applemusic #youtube #kkbox #joox #moov #香港電台 #商業電台 #新城電台 #無線電視 #viutv
更多相關文章：
The Son of Weekly Music Chart！
你 tell 唔 tell 到，邊位係日不落榜歌手？邊位喺 YT MV 破億？邊位係雙冠王？......
《伸縮自如的愛》